Samsung, Galaxy S26-da yeni texnologiyadan istifadə edə bilər
"Samsung", hələ "Galaxy S25" seriyasını təqdim etmədiyi halda, növbəti model olan "Galaxy S26" ilə bağlı şayiələr artıq gündəmdədir. İddialara görə, şirkət bu dəfə yeni bir inqilabla qarşımıza çıxacaq və silisium-karbon batareya texnologiyasına keçməyi planlaşdırır. Əgər bu xəbərlər doğru çıxarsa, "Samsung"un ağıllı telefonlarında batareya tutumunda və performansında əhəmiyyətli bir irəliləyiş gözlənilir.
Bu yeni nəsil batareya, ənənəvi litium-ion batareyalardan fərqli olaraq silisium və karbon komponentlərini istifadə edir. Silisium-karbon batareyaları, klassik litium-ion batareyalarına nisbətən 12,8% daha çox enerji saxlaya bilir və daha səmərəli enerji istifadəsi sayəsində cihazın batareya ömrü uzanır. Bundan əlavə, artırılmış tutuma baxmayaraq batareyaların fiziki ölçüləri dəyişmir və bu da kompakt dizaynların mümkün olmasına imkan yaradır.
"Samsung"un batareya istehsal bölməsi olan "Samsung SDI", yığılmış hüceyrə istehsal texnologiyası sayəsində batareya tutumunu təxminən 10% artırmağı hədəfləyir. Bu da "Galaxy S26"nın 5500 mAh batareya tutumuna çatması deməkdir. Bu günlərdə qatlanan telefonlar və yüksək performans tələb edən süni intellekt xüsusiyyətləri nəzərə alındıqda, belə bir tutum artımı "Samsung"a rəqibləri qarşısında ciddi bir üstünlük təmin edə bilər.
Silisium-karbon batareyaları ilk olaraq "Honor" tərəfindən 2023-cü ildə istifadə edilib və Çin istehsalçıları arasında sürətlə yayılmağa başlamışdı. "Samsung"un bu texnologiyaya keçməsi, "Apple" və digər böyük istehsalçılara qarşı rəqabət gücünü artırmağa kömək edə bilər.
Emil Nağızadə
13:43 17.01.2025
Oxunuş sayı: 22243
