Sumqayıtda bələdiyyə seçkilərinə hazırlıq məqsədilə görüş keçirilib
Yanvarın 8-də Ailə, Qadın və Uşaq Problemləri üzrə Dövlət Komitəsi, Mərkəzi Seçki Komissiyası və “Bərabər İnkişaf Naminə” Koalisiyanın təşkilatçılığı, Sumqayıt şəhər Qadın Resurs Mərkəzinin nümayəndələrinin iştirakı ilə “Bələdiyyə seçkilərində qadınların fəallığının yüksəldilməsi” mövzusunda görüş keçirilib.
Crossmedia.az xəbər verir ki, Dövlət Komitəsindən bildirilib ki, tədbiri giriş sözü ilə açan Bərabər İnkişaf Naminə Koalisiyanın sədri Təranə Kərimova qadınları ölkəmizdə yanvarın 29-da keçiriləcək bələdiyyə seçkilərində ən əsas vətəndaş hüququndan istifadə etməyə çağırıb.
42 saylı Sumqayıt seçki dairəsinin sədri Təravət Rəsulova və 45 saylı seçki dairəsinin sədri Məhəbbət Məmmədova hazırda ölkədə keçirilən seçkiyə hazırlıq prosesi və seçki prosedurları haqqında məlumat veriblər.
Görüşdə çıxış edən Sumqayıt Reabilitasiya Mərkəzinin direktoru Pərvanə Hacıyeva, 6 saylı məktəbin direktoru Qönçə Səttərova, Qadın Resurs Mərkəzinin rəhbəri Günel Ələkbərova qadınların ictimai-siyasi həyatda aktiv iştirakının əhəmiyyətini vurğulayaraq, hər kəsi növbəti seçkidə fəal olmağa çağırıblar.
08:01 13.01.2025
Oxunuş sayı: 18306
