Qasım Həşimov İkinci Fəxri xiyabanda dəfn ediləcək
2023-cü ilin dekabrın 3-də Novxanıda fərdi yaşayış evində baş vermiş partlayış nəticəsində ağır yaralanan Qasım Həşimov vəfat edib.
Qasım Murtuza oğlu Həşimov 1949-cu ildə Goranboy rayonunda doğulmuşdur. O, uzun illər Mərkəzi Ordu İdman Klubunun rəisi vəzifəsində çalışaraq, idman sahəsində böyük xidmətlər göstərmişdir. Bu illər ərzində Mərkəzi Ordu İdman Klubunun inkişafına və müxtəlif idman növlərinin yayılmasına müstəsna töhfələr vermişdir.
Ailəlikcə idmana böyük sevgisi olan Qasım Həşimov, oğlu – şahmat üzrə Avropa çempionu və beynəlxalq turnirlərin qalibi Vüqar Həşimovun Azərbaycanda və dünyada ən güclü şahmatçılardan birinə çevrilməsində əvəzsiz rol oynamışdır. O, Vüqar Həşimovun ilk şahmat müəllimi olaraq onun karyerasının formalaşmasında əhəmiyyətli addımlar atmışdır.
Vüqar Həşimov bir çox beynəlxalq şahmat turnirlərində Azərbaycanı layiqincə təmsil edən qrossmeyster idi.
Qasım Həşimovun vəfatı, yalnız onun yaxınları və dostları, həm də bütün idman camiəsi üçün böyük itki olmuşdur. Onun idman sahəsinə verdiyi töhfələr və şahmat dünyasında oynadığı rol həmişə xatırlanacaqdır.
Qeyd edək ki, Qasım Həşimov İkinci Fəxri xiyabanda dəfn ediləcək.
Ayhan Ağarzayev
04:46 09.01.2025
Oxunuş sayı: 4050
