Zaqatalada daha bir azyaşlı dünyasını dəyişib
Zaqatala Rayon Mərkəzi Xəstəxanasında (RMX) daha bir azyaşlı ölümü baş verib.
Bu gün saat 11 radələrində rayonun Danaçı kənd sakini olan 08.10.2022-ci il təvəllüdlü Maxac İsmayıl oğlu Katmayev valideynlərinin köməkliyi ilə Zaqatala Rayon Mərkəzi Xəstəxanasının (RMX) Təcili Yardım şöbəsinə gətirilib.
Müayinə zamanı azyaşlı M.Katmayevdə qızdırma, viruz infeksiyası və pnevmoniya əlamətləri olduğu müəyyənləşib. Azyaşlı təcili olaraq xəstəxananın Reanimasiya şöbəsinə köçürülüb.
Aparılan həkim müdaxilələrinə baxmayaraq, axşam saat 19 radələrində Reanimasiya şöbəsində M.Katmayevdə bioloji ölüm faktı qeydə alınıb.
Qeyd edək ki, yanvarın 7-də Zaqatala RMX-nın doğum şöbəsində yeni doğulan körpə ölümü baş verib.
Hər iki faktla bağlı Zaqatala Rayon Prokurorluğunda araşdırma aparılır. (APA)
17:30 08.01.2025
Oxunuş sayı: 23527
