"Samsung"dan süni intellekt şousu
"Samsung", 2025-ci ilin əvvəlində təqdim edəcəyi "Galaxy Book5" seriyası ilə süni intellekt dəstəyi olan noutbuk bazarına addım atdı. Intel Arrow Lake Core Ultra prosessorlarından güc alan bu seriya, "Google Circle to Search" kimi süni intellekt xüsusiyyətlərini dəstəkləyəcək.
"Galaxy Book5" ailəsi üç modeldən ibarət olacaq: 16 düymlük "Galaxy Book5 Pro", 14 düymlük "Galaxy Book5 Pro" və 15.6 düymlük "Galaxy Book5 360". Seriyanın ən mühüm yeniliklərindən biri “AI Select” adlanan süni intellekt inteqrasiyasıdır.
"AI Select" istifadəçilərə ekranda dairəvi şəkildə seçdikləri hər hansı bir obyekt haqqında məlumat axtarmağa imkan verəcək. "Arrow Lake NPU" isə cihazdakı görüntü keyfiyyətinin yaxşılaşdırılması üçün istifadə ediləcək və bu xüsusiyyət bulanıq görüntülərin dəqiqləşdirilməsini təmin edəcək.
"Galaxy Book5 Pro" modelləri AMOLED sensor ekranla təchiz edilib. 16 düymlük model 2.880 x 1.800 piksel çözünürlük və 120Hz uyğunlaşa bilən yeniləmə tezliyi təqdim edir. Cihaz cəmi 12,5 mm qalınlığa və 1,56 kq çəkiyə malikdir. 14 düymlük model isə 11,7 mm qalınlıq və 1,23 kq çəkiyə qədər yüngülləşib.
"Galaxy Book5 360" isə 360 dərəcə menteşə sayəsində həm noutbuk, həm də planşet rejimində istifadə edilə bilər. 15.6 düymlük AMOLED sensor ekranı 1.920 x 1.080 çözünürlük və 60Hz yeniləmə tezliyi təqdim edir.
Hər üç model "Intel Core Ultra 7 Evo" prosessoruna malikdir, lakin 14 düymlük Pro və 360 modellərinin əsas versiyaları "Core Ultra 5 Evo" prosessoru ilə gəlir.
Yeni modellər fevral ayından etibarən ABŞ və Avropa bazarlarında satışa çıxarılacaq.
Nərgiz Camalzadə
14:02 07.01.2025
Oxunuş sayı: 18107
