YAP sədri müddətsiz seçiləcək
Yeni Azərbaycan Partiyasının (YAP) sədrinin seçki proseduru dəyişir.
Crossmedia.az xəbər verir ki, bunu YAP Təftiş Komissiyasının üzvü, deputat Nizami Səfərov partiyanın VIII Qurultayında Nizamnaməyə təklif olunan dəyişikliklərin müzakirəsində deyib.
Nizami Səfərov bildirib ki, hazırda qüvvədə olan Nizamnaməyə əsasən, partiya sədrinin səlahiyyət müddəti 5 ildir. Səlahiyyət müddəti bitdikdə partiyanın sədri Qurultay tərəfindən yenidən seçilə bilər.
Nizami Səfərov qeyd edib ki, bu müddəa aradan qaldırılıb: “Bu, tamamilə qanunauyğun, siyasi və hüquqi reallıqları əks etdirən, Azərbaycanın misli görünməmiş zəfərlərinin rəhbəri, YAP sədri Prezident İlham Əliyevin müddətsiz mütəşəkkil qüvvə olan YAP-a rəhbərlik etməsi bizi yeni uğurlara və böyük qələbələrə aparacaq”. (Qafqazinfo)
16:34 02.10.2026
Oxunuş sayı: 44
