Səudiyyə Ərəbistanı husilərə qarşı Yəmən hökumətini dəstəkləyir
Səudiyyə Ərəbistanının vəliəhdi Məhəmməd bin Salman ölkəsinin təhlükəsizliyinə qarşı yönələn istənilən təhdidə qətiyyətlə cavab veriləcəyini bəyan edib.
Crossmedia.az xəbər verir ki, “Əl-Cəzirə” bu barədə məlumat yayıb.
Vəliəhd bildirib ki, Ər-Riyad Yəmən hökumətinin ölkə ərazisinin hamısında hakimiyyətini bərqərar etmək və husilərə qarşı mübarizə aparmaq səylərini tam dəstəkləyir.
Məhəmməd bin Salman gərginliyin azaldılması və diplomatik həll yollarının dəstəklənməsi üçün bütün mümkün səylərin göstərildiyini vurğulayıb. Bununla yanaşı, ölkənin təhlükəsizliyinin qorunması məsələsində heç bir güzəştə gedilməyəcəyini bildirib.
“Biz təhlükəsizliyimizin qorunması məsələsində ən kiçik güzəştə belə getmədən gərginliyin azaldılması və diplomatik həll yollarının dəstəklənməsi üçün bütün mümkün səyləri göstəririk. Təhlükəsizliyimizə xələl gətirməyə yönələn istənilən təhdidə və ya təcavüzə tərəddüd etmədən qətiyyətlə cavab verəcəyik”, – deyə vəliəhd qeyd edib.
18:03 01.10.2026
Oxunuş sayı: 39
