55 yaşlı tələbəsi: Oxumağı sevməyim bu yaşda tələbə olmağıma təkan verdi
Oxumağı sevməyim bu yaşda tələbə olmağıma təkan verdi.
Bunu Crossmedia.az a açıqlamasında bu il Azərbaycanda ən yaşlı tələbə adını qazanan 55 yaşlı Vəfa Cəfərova deyib.
"Orta təhsilimi bitirdikdən sonra 1987-ci ildə Bakı Politexnik Texnikimuna daxil olmuşam. Həmin ildə binaların sanitar texniki qurğuları ixtisasını oxumuşam. 1989-cu ildə isə Bakı İnşaat Texnikumuna daxil oldum. 2019-cu ildə Azərbaycan Dövlət Neft və Sənaye Universitetinin nəzdində Bakı Neft-Energetika Kollecində təhsil almışam. Bu dəfə isə Sumqayıt Dövlət Universitetində Neft-qaz mühəndisliyi ixtisasına daxil oldum”.
V. Cəfərovanın sözlərinə görə bu ixtisası seçməyinə səbəb onun Azəriqazda neft qaz mühəndisi işləməsidir: "Mənim yaşımla bağlı kompleksim yoxdur. Məqsədim üçün orada olduğumu düşünəcəm.Özümə inandığım üçün bu yolla gedirəm"
Mehriban Yariyeva
17:06 27.08.2025
Oxunuş sayı: 9432
