Afaq Bəşirqızı: "Canım prezidentimə təşəkkür edirəm"
Xalq artisti Afaq Bəşirqızı Səfərova (Afaq Bəşirqızı) “Şərəf” ordeni ilə təltif edilib. Prezident İlham Əliyev bununla bağlı Sərəncam imzalayıb.
Sərəncamla o, bu ordenə Azərbaycan mədəniyyətinin inkişafında böyük xidmətlərinə görə layiq görülüb.
A.Bəşirqızının avqustun 15-də 70 yaşı tamam olacaq
Bu təltif Azərbaycan mədəniyyətinə göstərilən ali dəyərin və sənətkarlara duyulan ehtiramın daha bir təzahürüdür.
Afaq Bəşirqızı Crossmedia.az-a açıqlamasında prezident İlham Əliyevə öz minnətdarlığını bildirib:
“Canım prezidentimin mənə göstərdiyi bu qayğıya görə ona təşəkkürümü bildirirəm. Həm Prezident İlham Əliyevə, həm də Birinci vitse-prezident Mehriban xanıma. Onların hər ikisi mədəniyyətə, mədəniyyət xadimlərinə qarşı hər zaman diqqətli olublar. Biz daim Azərbaycan mədəniyyəti üçün çalışırıq. Mədəniyyət olmasa, xalq da olmaz. Sənətkar hər zaman öz boynunda bu məsuliyyəti hiss etməlidir”.
Ayhan
14:56 14.08.2025
Oxunuş sayı: 1618
