Qəzzalılar Misirə köçürüləcəkmi?
İsrail və Fələstin arasında artıq il yarımdır ki, müharibə davam edir. Davam edən müharibə fonunda müxtəlif dövlətlərlə görüşlər keçirilib. Lakin əldə edilən və irəli sürülən təkliflər paketi tərəflərin razılığı ilə nəticələnməyib. Xüsusən İsrail və ABŞ görüşlərində əldə edilən nəticələr nəinki Fələstin hətta digər qonşu dövlətlər üçün də qəbuledilməz olur. Belə ki, razılaşmaya əsasən irəli sürülən fikir Qəzzalıların həyat fəaliyyətini yaxşılaşdırmaq və təhlükəsizliyini təmin etmək üçün Misir və İordaniya ərazisinə köçürülməsidir.
Bu fonda Misir və İsrail arasında rəsmi görüş keçirilib və görüşdə Qəzza ilə bağlı yeni təkliflər mübadiləsi aparılıb. Bu təkliflər mübadiləsi fonunda hansı nəticələr əldə edilib? Qəzzalıların başqa ərazilərdə məskunlaşması nə qədər realdır?
Mövzu ilə bağlı politoloq Oqtay Qasımov Crossmedia.az-a açıqlama verib:
"Misir və İsrail arasında Qəzza ilə bağlı müzakirə olunan məsələlər ondan qaynaqlanır ki, birincisi burda il yarımdan artıqdır ki, savaş gedir və Qəzza demək olar ki, təmamən dağıdılıb bundan başqa əsas son iki ayda narahatlıq yaradan məqamlardan biri İsrail baş nazirinin fevralda ABŞ-ə səfəri zamanı Donald Trampla Qəzzalıların bölgədən köçürülməsi və onların Misir, İordaniya ərazilərinə köçürülmələri ilə bağlı fikirləri idi ki, buda Mısır və İordaniya tərəfindən etirazla qarşılandı. Ehtirasdan sonra məsələ bir qədər gündəmdən götürülsə də İsrail baş naziri Netanyahu bir neçə gün öncədə bu fikirləri səsləndirdi. Her halda Misir də ona çalışır ki, qəzzalılar öz torpaqlarında qalsınlar. Həmçinin onların hüquqları müəyyən ölçüdə bərpa olunsun. Misirin ağır iqtisadiyyatı üçün 2 milyon qəzzalının onun ərazisində yerləşdirilməsi çox çətindir. Bu baxımdan hesab edirəm ki, Misirin təqdim edəcəyi variant Qəzza üçün müəyyən yumşaldıcı şərtlər ola bilər".
Ayhan Ağarzayev
19:45 11.04.2025
Oxunuş sayı: 1463
