Sağlamlıq

Samuxda qarayara həyəcanı – Kəndin girişində NƏZARƏT POSTU QURULDU

Samux rayonunun Alıuşağı kəndində qeydə alınan qarayara hadisəsi ilə bağlı nəzarət, profilaktik tədbirlər həyata keçirilir.

Crossmedia.az-ın xəbərinə görə, artıq kəndə girişdə nəzarət postu yaradaılıb.

Kəndin giriş-çıxış istiqamətlərində Rayon Baytarlıq İdarəsinin əməkdaşları tərəfindən təsərrüfat və digər nəqliyyat vasitələrinin dezinfeksiyası həyata keçirilir.

Ət və süd məhsullarının kənd ərazisindən daşınmasına, məhsulların daşınması zamanı müəyyən edilmiş tələblərə və şərtlərə əməl olunmasına nəzarət həyata keçirilir.

Bundan başqa, yoluxma hallarının qarşısının alınması məqsədilə Samux rayonunun Alıuşağı kəndində kənd təsərrüfatı heyvanları arasında Rayon Baytarlıq İdarəsinin əməkdaşları tərəfindən təkrar monitorinq tədbirləri həyata keçirilir və heyvanların peyvəndlənməsi işləri yenidən aparılır.(APA)

Mövzular:

Samux Alıuşağı kəndi qarayara qarayara hadisəsi nəzarət postu dezinfeksiya peyvəndləmə

🖨 Çap et

15:23 14.08.2026

Oxunuş sayı: 51