Xarici xəbərlər

İran raket texnologiyasını təkmilləşdirdiyini açıqlayıb

İran ABŞ ilə hərbi qarşıdurma zamanı raket texnologiyalarını əhəmiyyətli dərəcədə təkmilləşdirdiyini və zərurət yaranarsa, raketlərinin uçuş məsafəsini artıra biləcəyini bəyan edib.

Crossmedia.az xəbər verir ki, “Sputnik Ermənistan” bu barədə məlumat yayıb.

İran İslam İnqilabı Keşikçiləri Korpusunun (SEPAH) Aerokosmik Qüvvələri komandanının müşaviri Əli Balali bildirib ki, ABŞ ilə qarşıdurma Tehrana raket və pilotsuz uçuş aparatlarının (PUA) hazırlanması sahəsində əlavə təcrübə qazandırıb.

Onun sözlərinə görə, İran hərbi əməliyyatlar zamanı müxtəlif silah sistemlərini real döyüş şəraitində sınaqdan keçirmək və onların effektivliyini artırmaq imkanı əldə edib.

Əli Balali vurğulayıb ki, İran İslam Respublikası ehtiyac yarandığı təqdirdə raketlərinin uçuş məsafəsini daha da artıra bilər.

SEPAH rəsmisinin açıqlamasında raketlərin mövcud və mümkün yeni uçuş məsafələri ilə bağlı konkret göstəricilər təqdim olunmayıb.

🖨 Çap et

12:16 13.11.2026

Oxunuş sayı: 33