Tramp: ABŞ-dən minlərlə cinayətkarı deportasiya etmişik
ABŞ Prezidenti Donald Tramp ölkədə qanunsuz miqrasiyaya qarşı həyata keçirilən tədbirləri müdafiə edərək minlərlə cinayətkarın ölkədən çıxarıldığını bildirib.
Crossmedia.az xarici KİV-ə istinadən xəbər verir.
ABŞ lideri İmmiqrasiya və Gömrük Mühafizəsi Xidmətinin (ICE) fəaliyyətinin ölkənin təhlükəsizliyi üçün mühüm əhəmiyyət daşıdığını vurğulayıb.
“Ölkəmizdə elə insanlar var idi ki, ICE olmasaydı, hələ də burada qalacaqdılar. Onlar qatillər idi”, – deyə Tramp bildirib.
O, ABŞ-yə minlərlə ağır cinayət törətmiş şəxsin gəldiyini iddia edib.
“Ölkəmizə minlərlə qatil gətirilmişdi. Onların çoxu birdən artıq insanı öldürmüşdü. Bu insanlar ölkədən getməli idilər. Biz də onları çıxardıq”, – deyə ABŞ Prezidenti qeyd edib.
Tramp miqrantların saxlanılması üçün nəzərdə tutulan müəssisələrlə bağlı tənqidlərə də münasibət bildirib.
“Saxlanılma mərkəzlərindən danışanda unutmayın ki, həmin həbsxanaları tikdirən Obama olub”, – deyə o vurğulayıb.
Qeyd edək ki, Trampın deportasiya edilən şəxslərlə bağlı səsləndirdiyi rəqəmlər və ittihamlar bu açıqlamada konkret statistik məlumatlarla əsaslandırılmayıb.
11:36 13.11.2026
Oxunuş sayı: 35
