İqtisadiyyat

Mərkəzi Bank Dünya Bankı ilə əməkdaşlığı müzakirə edib

Azərbaycan Mərkəzi Bankı sədrinin birinci müavini Əliyar Məmmədyarov Dünya Bankının (DB) Avropa və Mərkəzi Asiya üzrə regional direktoru Abebe Aduqna və Cənubi Qafqaz üzrə regional direktoru Roland Praysın təmsil olunduğu nümayəndə heyəti ilə görüşüb.

Crossmedia.az bu barədə AMB-yə istinadən xəbər verir.

Görüş zamanı ölkədəki cari makroiqtisadi vəziyyət, iqtisadi inkişaf perspektivləri, dayanıqlı maliyyənin təşviqi, maliyyələşmə imkanlarının genişləndirilməsi, eləcə də risk əsaslı nəzarət yanaşmasının tətbiqi ilə bağlı görülən işlər müzakirə edilib.

Bununla yanaşı, maliyyə sektorunun dayanıqlılığının artırılması istiqamətində həyata keçirilən təşəbbüslər, DB-nin prioritet istiqamətlər üzrə dəstək imkanları, həmçinin hər iki qurum arasında gələcək əməkdaşlıq imkanları ətrafında fikir mübadiləsi aparılıb.

Mövzular:

Azərbaycan Mərkəzi Bankı AMB Dünya Bankı Əliyar Məmmədyarov Abebe Aduqna Roland Prays maliyyə sektoru

🖨 Çap et

11:40 13.11.2026

Oxunuş sayı: 31