Ankaradan Moskva və Kiyevə mesaj: Xəzərdə gərginliyi artırmayın
Türkiyə Rusiya və Ukraynanı Xəzər dənizində gərginliyin artmasına yol verməməyə çağırıb.
Crossmedia.az bu barədə xarici mediaya istinadən xəbər verir.
Türkiyə Milli Təhlükəsizlik Şurasının iclasının yekun bəyanatında bildirilib ki, Rusiya-Ukrayna müharibəsində gərginliyin qonşu regionlara, xüsusilə Qara və Xəzər dənizlərinə yayılması problemin həllinə kömək etmir.
“Rusiya-Ukrayna müharibəsində gərginliyi qonşu regionları, xüsusilə Qara və Xəzər dənizlərini münaqişə zonalarına çevirməklə aradan qaldırmaq mümkün deyil. Tərəflər regionda artan gərginliyi azaltmalı və sülhün təmin edilməsi üçün konkret addımlar atmalıdırlar”, – deyə bəyanatda qeyd olunub.
Türkiyə münaqişə iştirakçılarını diplomatik yollarla həll axtarmağa çağırıb.
23:36 06.08.2026
Oxunuş sayı: 109
