Rusiya OPCW ekspertlərinin ölkəyə səfəri ilə bağlı danışıqlar aparır
Rusiya Kimyəvi Silahların Qadağan Edilməsi Təşkilatının (OPCW) ekspertlərinin ölkəyə mümkün səfəri ilə bağlı təşkilatın Texniki Katibliyi ilə fəal məsləhətləşmələr aparıldığını açıqlayıb.
Crossmedia.az xəbər verir ki, bunu Rusiyanın OPCW-dəki daimi nümayəndəsi Vladimir Tarabrin TASS agentliyinə deyib.
Tarabrinin sözlərinə görə, hazırda mümkün səfərin bütün logistika, texniki və hüquqi aspektlərinin razılaşdırılması məqsədilə mövcud prosedurlar çərçivəsində intensiv danışıqlar davam edir.
"Bu, çoxsaylı incə məqamları əhatə edən diqqətli işdir", – deyə diplomat bildirib.
Tarabrin əlavə edib ki, tərəflərin bütün məsələlər üzrə ortaq məxrəcə gələcəyinə və nəticədə OPCW ekspertlərinin Rusiyaya səfərinin baş tutacağına ümid edir.
12:37 17.07.2026
Oxunuş sayı: 58
