Şimali Koreya NATO-nu və ABŞ-ni hərbi qarşıdurmanı gücləndirməkdə ittiham edib
Şimali Koreya Xalq Respublikası (ŞKXR) NATO sammitindən sonra ABŞ və müttəfiqlərini hərbi blokları gücləndirmək və silahlanmanı artırmaqda ittiham edib.
Crossmedia.az xəbər verir ki, "Reuters" bu barədə məlumat yayıb.
Məlumata görə, KXDR Xarici İşlər Nazirliyi NATO liderlərini Şimali Koreyanın suveren hüquqlarını həyata keçirməsini təhlükə kimi təqdim etməkdə günahlandırıb.
Bəyanatda bildirilir ki, alyans müdafiə xərclərini artırmaq və Asiya-Sakit okean regionundakı tərəfdaşları ilə hərbi əməkdaşlığı genişləndirməklə bloklararası qarşıdurmaya sadiqliyini nümayiş etdirib.
Bundan əlavə, Pxenyan hesab edir ki, nüvəsizləşdirmə ilə bağlı səylər ilk növbədə ABŞ-nin müttəfiqlərinə yönəldilməlidir.
17:16 11.07.2026
Oxunuş sayı: 65
