Bu platforma iki oyunu pulsuz təqdim edir
Epic Games Store platformasında növbəti pulsuz oyun kampaniyası başlayıb.
Crossmedia.az xəbər verir ki, bu barədə UNIAN məlumat yayıb.
Məlumata görə, istifadəçilər bu dəfə kult qorxu janrındakı "I Have No Mouth, and I Must Scream" və "River City Girls 2" oyunlarını ödənişsiz əldə edə bilərlər.
Bildirilir ki, 1996-cı ildə təqdim olunan "I Have No Mouth, and I Must Scream" amerikalı yazıçı Harlan Ellisonun eyniadlı əsəri əsasında hazırlanıb və elmi fantastika janrının ən təsirli qorxu oyunlarından biri hesab olunur.
"River City Girls 2" isə təkmilləşdirilmiş döyüş sistemi, yeni personajlar və iki nəfərlik kooperativ rejimi ilə seçilən "beat'em up" janrında aksiyon oyunudur.
Qeyd olunub ki, hər iki oyunu 9 iyul tarixinədək Epic Games Store platformasında pulsuz əldə etmək mümkündür.
07:25 03.07.2026
Oxunuş sayı: 52
