Ella Pamfilova sükutu pozdu: Rusiya daxilində və xaricində hərbi-siyasi nəzarət gücləndirilir
Rusiya Mərkəzi Seçki Komissiyası (MSK) qarşıdan gələn parlament seçkiləri zamanı mümkün təxribatlar və sabotaj cəhdlərinə qarşı hazırlıq gördüyünü və belə halların qarşısını almaq üçün güclü baryer yaratmağa hazır olduğunu bildirib.
Crossmedia.az bu barədə xarici mediaya istinadən xəbər verir.
MSK sədri Ella Pamfilova komissiyanın iclasında çıxış edərək qeyd edib ki, seçki prosesi zamanı təxribatların baş verməsi qaçılmazdır.
“Biz mütləq müxtəlif təxribatlar və sabotaj cəhdləri ilə üzləşəcəyik, çünki düşmənlərimiz həm xaricdə, həm də ölkə daxilində geniş hazırlıq aparır. Biz də buna hazırlaşırıq və ümid edirəm ki, bütün bu cəhdlərin qarşısını almaq üçün güclü bir baryer qura biləcəyik,” – deyə o bildirib.
Pamfilovanın sözlərinə görə, xaricdə səsvermə prosesi zamanı əsas diqqət dost olmayan ölkələrdə təhlükəsizliyin təmin olunmasına yönəldiləcək.
21:38 02.07.2026
Oxunuş sayı: 52
