Rusiya FTX: Krımda casusluqda şübhəli bilinən iki nəfər saxlanılıb
Krımda Ukrayna xüsusi xidmət orqanları ilə əməkdaşlıqda şübhəli bilinən iki nəfərin saxlanılıb.
Crossmedia.az xəbər verir ki, Rusiya Federal Təhlükəsizlik Xidməti (FTX) bu barədə məlumat yayıb.
Xidmətin iddiasına görə, saxlanılan şəxslər hərbi obyektlər və nəqliyyat infrastrukturu, o cümlədən Krım körpüsü üzərindən dəmir yolu əlaqəsi barədə məlumat toplayaraq Ukrayna xüsusi xidmət orqanlarına ötürüblər.
Qurumun məlumatına əsasən, keçirilən axtarış zamanı şübhəlilərin üzərindən kütləsi 3 kiloqramdan artıq olan əldəqayırma partlayıcı qurğunun hazırlanması üçün komponentlər aşkar edilib.
Bildirilib ki, hər iki şəxs barəsində həbs qətimkan tədbiri seçilib.
Rusiya Federal Təhlükəsizlik Xidmətinin açıqladığı məlumat müstəqil mənbələr tərəfindən təsdiqlənməyib.
12:49 02.07.2026
Oxunuş sayı: 66
