Xarici xəbərlər

Əraqçı: Hörmüz boğazının idarə olunmasına yalnız İran cavabdehdir

İranın xarici işlər naziri Abbas Əraqçı bəyan edib ki, Hörmüz boğazında dəniz nəqliyyatının idarə olunmasına yalnız İran cavabdehdir.

Crossmedia.az xarici KİV-ə istinadən xəbər verir ki, Əraqçı bu barədə Bağdadda iraqlı həmkarı Fuad Hüseynlə keçirdiyi birgə mətbuat konfransında danışıb.

Nazirin sözlərinə görə, İran və ABŞ arasında imzalanmış Anlaşma Memorandumuna əsasən, Hörmüz boğazında dəniz nəqliyyatı 30 gün ərzində İranın nəzarəti altında müharibədən əvvəlki fəaliyyət rejiminə qaytarılacaq. O bildirib ki, marşrutda mövcud maneələrin aradan qaldırılması da Tehranın məsuliyyətinə daxildir.

Əraqçı vurğulayıb ki, Hörmüz boğazının idarə olunmasına İran istisna olmaqla heç bir ölkə və ya beynəlxalq qurum cavabdeh deyil.

O, həmçinin xəbərdarlıq edib ki, yeni mexanizmlərin yaradılması və ya prosesə kənar müdaxilə cəhdləri vəziyyəti daha da mürəkkəbləşdirə, boğazın tam açılmasını gecikdirə və bölgədə gərginliyi artıra bilər.

🖨 Çap et

23:08 28.06.2026

Oxunuş sayı: 55