Xarici xəbərlər

Trampın husilərə qarşı əməliyyatdan imtinası Səudiyyə Ərəbistanında narahatlıq yaradıb

ABŞ Prezidenti Donald Trampın Səudiyyə Ərəbistanının Yəməndə husilərə qarşı hərbi kampaniyasına qoşulmaqdan imtina etməsi Ər-Riyadın Vaşinqtona münasibətində narahatlıq yaradıb.

Crossmedia.az xəbər verir ki, “Financial Times”ın məlumatına görə, Səudiyyə Ərəbistanı husilərin mövqelərinə qarşı ABŞ-nin uzunmüddətli hava zərbələri endirməsini istəyib.

Vaşinqton isə İranla müharibə fonunda artan təzyiqi, sursat ehtiyatlarının azalmasını və daxili siyasi amilləri əsas gətirərək bu tələbi qəbul etməyib.

Nəşrin yazdığına görə, ABŞ-nin Mərkəzi Komandanlığının keçmiş kəşfiyyat direktoru Karen Gibson Səudiyyə Ərəbistanının vəliəhdi Məhəmməd bin Salmanın bu qərarı “unutmayacağını” bildirib. ABŞ silah və kəşfiyyat dəstəyi verməyə davam etsə də, birbaşa hərbi müdaxilədən çəkinməsi Ər-Riyadda Vaşinqtonun təhlükəsizlik tərəfdaşı kimi etibarlılığı ilə bağlı suallar yaradıb.

🖨 Çap et

23:15 27.09.2026

Oxunuş sayı: 45