İşçi qrupun iclası keçiriləcək
25 dekabr 2024-cü il tarixində saat 11:00-da Biznes mühiti və beynəlxalq reytinqlər üzrə Komissiyanın “Elektrik təchizatı şəbəkələrinə qoşulma” işçi qrupunun videokonfrans formatında növbəti iclası keçiriləcək.
Crossmedia.az xəbər verir ki, bu barədə Nazirlikdən məlumat verilib.
İclasda Dünya Bankının “Business Ready” hesabatının “Kommunal xidmətlər (elektrik)” indikatoru ilə bağlı müvafiq sahədə təkmilləşmələrin və kommunikasiyanın həyata keçirilməsinə dair 2024-cü il üzrə Yol Xəritəsi”nin icra vəziyyətinin, həmçinin 2025-ci il üzrə Yol Xəritəsinin layihəsinin müzakirəsi nəzərdə tutulur.
Bundan əlavə, Dünya Bankı Qrupunun “Business Ready” hesabatının “Kommunal xidmətlər (elektrik)” indikatoru ilə bağlı İntensiv Kommunikasiya Planında nəzərdə tutulan tədbirlərin icrası haqqında məlumat veriləcək və qarşıda duran çağırışlara dair müzakirələr aparılacaq.
06:26 20.12.2024
Oxunuş sayı: 17075
