Ərdoğan Avropa Birliyini Suriyalı qaçqınların vətənlərinə geri dönməsini asanlaşdırmağa çağırdı
Türkiyə Prezidenti Rəcəb Tayyib Ərdoğan, Suriyada inklüziv bir idarə qurulmasının zəruriliyini vurğulayaraq, Avropa Birliyini (AB) Suriyalı qaçqınların öz vətənlərinə geri dönməsini asanlaşdırmağa çağırdı.
Crossmedia.az türk mətbuatına istinadən xəbər verir ki, Ərdoğan, bu sözləri Avropa Komissiyasının Prezidenti Ursula von der Leyen ilə birgə keçirdiyi mətbuat konfransında deyib.
Ərdoğan, bölgədə “terror təşkilatlarına” yer olmadığını qeyd edərək, Suriyanın bərpası üçün qonşu ölkələr, müttəfiq dövlətlər, AB və beynəlxalq təşkilatlardan sürətli və güclü dəstək tələb etdiyini bildirib. Mətbuat konfransından sonra von der Leyen, X sosial media platformasında AB-nin 2024-cü ilə qədər Türkiyədəki Suriyalı qaçqınlara dəstək üçün əlavə 1 milyard avro ayıracağını açıqlayıb.
O, AB-Türkiyə münasibətlərinin vacib olduğunu vurğulayaraq, “İqtisadi əlaqələrimiz hər il güclənir və Türkiyə miqrasiya məsələsində əsas tərəfdaşdır” dedi. AB, Türkiyəyə Suriyalıların sığınması üçün 6 milyard avro ayırıb. Rəsmi rəqəmlərə görə, Türkiyədə təxminən 3 milyon qeydiyyatdan keçmiş Suriyalı qaçqın yaşayır.
Gültac Mehdizadə
13:54 18.12.2024
Oxunuş sayı: 5338
