Elektrik enerjisinin istehsal həcmi artıb
Bu ilin yanvar-noyabr aylarında operativ məlumatlara əsasən, elektrik enerjisinin istehsalı 25 932,5 mln. kVt·st, ixracı 1 255,3 mln. kVt·st, idxalı 159,8 mln. kVt·st olub.
Crossmedia.az xəbər verir ki, bu barədə Azərbaycanın energetika naziri Pərviz Şahbazov “X” sosial şəbəkəsindəki hesabında məlumat verib.
"Ötən ilin müvafiq dövrü ilə müqayisədə elektrik enerjisinin istehsalı su elektrik stansiyalarında 1 142,7 mln. kVt·st, günəş elektrik stansiyalarında isə 470,5 mln. kVt·st artıb. Bu dövrdə elektrik enerjisi istehsalında bərpa olunan enerji mənbələrinin payı 14% olub", - deyə paylaşımda qeyd olunub.
06:14 16.12.2024
Oxunuş sayı: 4479
