ABŞ və İran arasındakı artan gərginlik Yaxın Şərqdə təhlükəsizlik narahatlıqlarını daha da artırıb.
Crossmedia.az “The Guardian” qəzetinə istinadən xəbər verir ki, Vaşinqtonun bölgədə hərbi mövcudluğunu genişləndirməsi fonunda bir sıra ölkələr vətəndaşlarını İran və digər Yaxın Şərq dövlətlərini tərk etməyə çağırıb və bu ölkələrə səfərdən çəkinmələrini tövsiyə edib.
Artan risklər səbəbindən bir neçə aviaşirkət regiona uçuşlarını azaldıb və ya müvəqqəti dayandırıb.
Eyni zamanda, Avstraliya hökuməti İsrail və Livandakı diplomatların ailə üzvlərinə ölkələri tərk etməyi tapşırıb. BƏƏ, Qətər və İordaniyada çalışan diplomatların ailələrinə də könüllü şəkildə ölkəni tərk etmələri tövsiyə olunub. Qərar “bölgədə pisləşən təhlükəsizlik vəziyyəti” ilə əsaslandırılıb.
