Xarici xəbərlər

İran ABŞ təyyarədaşıyıcılarını hədəf dairəsində olduğunu açıqladı

İranın ali rəhbəri Əli Xameneyinin müşaviri və köməkçisi Məhəmməd Moxber ABŞ-ın bölgəyə təyyarədaşıyan gəmilər göndərməsinə sərt reaksiya verib.

Crossmedia.az bu barədə xarici mediaya istinadən xəbər verir. Moxber açıqlamasında bildirib ki, Amerika aviadaşıyıcıları İranın yerli istehsal raketlərinin hədəf mənzilindədir. O, bölgəyə əlavə hərbi qüvvə göndərilməsini “təhlükəli addım” adlandıraraq vurğulayıb: “Bu gün ABŞ gəmiləri yerli raketlərimizin hədəf dairəsindədir və onların təhdidlərinə cavab vermək üçün bir neçə min kilometr məsafədən atəş açmağa ehtiyac yoxdur”.

Həmçinin açıqlamada qeyd olunub ki, mövcud vəziyyət İran Silahlı Qüvvələrinin mümkün təhdidlərə operativ cavab vermək imkanlarını genişləndirir.

🖨 Çap et

13:50 27.02.2026

Oxunuş sayı: 627