Xarici xəbərlər

İran ABŞ-dən uranın zənginləşdirilməsinin dayandırılmasını rədd etdi

İran ABŞ-nin uranın zənginləşdirilməsini tamamilə dayandırmaq tələbinə etiraz edib.

Crossmedia.az xəbər verir ki, bu barədə İranın yüksək vəzifəli rəsmisi “Əl-Cəzirə” kanalına açıqlamasında bildirib.

Yüksək vəzifəli rəsminin dediklərinə görə, Cenevrədə keçirilən danışıqlarda Tehran ABŞ sanksiyalarının ləğvi və ABŞ ilə bağlı narahatlıqların aradan qaldırılmasına yönəlmiş təklif irəli sürüb.

Rəsmi qeyd edib ki, təklif uranın zənginləşdirilməsinin İranın suveren hüququ olduğunu təsdiqləyir və yalnız məhdud müddətə zənginləşmənin müvəqqəti dayandırılmasını nəzərdə tutur. Onun sözlərinə görə, bu, İranın raket sistemləri və müdafiə proqramlarına təsir etmir, lakin uranın tam dayandırılması, nüvə qurğularının sökülməsi və ehtiyatların tamamilə ölkədən çıxarılması prinsipinə toxunur.

🖨 Çap et

13:18 27.02.2026

Oxunuş sayı: 666