Cenevrədə ABŞ və İran arasında keçirilən danışıqlar razılaşma olmadan başa çatıb və tərəflər əsas məsələlərdə fikir ayrılıqlarını saxlayırlar.
Crossmedia.az bu barədə “Wall Street Journal” a istinadən xəbər verir ki, ABŞ-ı təmsil edən Stiv Vitkoff və Cared Kuşner İrana bildiriblər ki, Tehran üç əsas nüvə obyektini – Fordo Nuclear Facility, Natanz Nuclear Facility və Isfahan Nuclear Facility – məhv etməli və qalan bütün zənginləşdirilmiş uranı ABŞ-a təhvil verməlidir. Bundan əlavə, ABŞ rəsmiləri hər hansı yeni nüvə sazişinin müddətsiz olmasında israr edirlər.
İran isə uran ehtiyatlarını xaricə köçürmək ideyasını rədd edib. Tehran zənginləşdirmənin tam dayandırılmasına, nüvə obyektlərinin sökülməsinə və proqramına daimi məhdudiyyətlərin tətbiq edilməsinə qarşı çıxır. Eyni zamanda, İran ABŞ-ın mövqeyini yumşaltmaq üçün bəzi variantlar təklif etsə də, uranı zənginləşdirmək hüququnda israr edir. Bu variantlara zənginləşdirmə səviyyələrinin mövcud 60%-dən 1,5%-ə endirilməsi, zənginləşdirmənin müvəqqəti bir neçə il dayandırılması və ya uranın İranda yerləşən Ərəb-İran konsorsiumu çərçivəsində yenidən emal edilməsi daxildir.
