İranın nüvə obyektlərinin sökülməsi və uranın ABŞ-ə təhvil verilməsi tələb kimi qoyulub
Cenevrədə İranla aparılan nüvə danışıqlarında Vaşinqton Tehrandan əsas nüvə obyektləri olan Fordo, Nətənz və İsfahandakı qurğuları sökməyi tələb edib.
Crossmedia.az xəbər verir ki, bu barədə ABŞ rəsmiləri “Wall Street Journal”-a açıqlama veriblər.
Rəsmilərin sözlərinə görə, ABŞ həmçinin İranın bütün zənginləşdirilmiş uran ehtiyatını başqa yerə köçürməsi və potensial razılaşmada hər hansı ləngimə bəndlərinin olmamasını istəyir.
Danışıqlarda Vaşinqton sıfır zənginləşdirmə prinsipinə sadiq qalır. Lakin İranın tibbi məqsədlər üçün çox aşağı səviyyədə zənginləşdirilmiş uranı istifadə etməsinə icazə verilə bilər.
Hesabata əsasən, ABŞ ilkin mərhələdə məhdud sanksiyalar tətbiq etməyi planlaşdırır, lakin İran razılıq göstərərsə, daha geniş yumşalma mümkün olacaq.
22:53 26.02.2026
Oxunuş sayı: 1505
