Pul əhəmiyyətini itirir- Cəmi bir neçə il qalıb
Süni İntellekt 2028-ci ilə qədər ABŞ-da irimiqyaslı iqtisadi böhrana səbəb ola bilər
Crossmedia.az xəbər verir ki,bu barədə "Citrini Research" İnstitutu məlumat yayıb.
"Citrini Research" İnstitutu öz hesabatında belə bir qənaətə gəlib ki, Süni İntellektin sürətli inkişafı rifahın artmasına deyil, kütləvi işdənçıxarmalar dalğasına səbəb olacaq.
Proqnoza görə, 2028-ci ilə qədər S&P 500 indeksi 38% düşə bilər, işsizlik səviyyəsi isə 10,2%-ə qədər yüksələ bilər. Hesabat dərc edildikdən sonra iri İT şirkətlərinin səhmləri artıq dəyər itirib: IBM - 13%, Datadog, CrowdStrike və Zscaler isə təxminən 9% ucuzlaşıb.
İqtisadçılar hesab edirlər ki, Sİ məhsuldarlığı kəskin artıracaq, lakin şirkətlər insanları daha ucuz alqoritmlərlə əvəz etməyə başlayacaqlar. Bu, əhalinin gəlirlərini və istehlak xərclərini azaldaraq iqtisadiyyatda, maliyyə sektorunda və daşınmaz əmlak bazarında zəncirvari böhran reaksiyasına start verəcək.
Yeni peşələr itkiləri kompensasiya etməyəcək, çünki "Sİ tərəfindən yaradılan hər bir yeni iş yerinə qarşı onlarla yox olan iş yeri düşür" və yeni yerlərdə əməkhaqqı daha aşağı olur.
Ən çox ofis və xidmət sektoru zərər görəcək, istehsalat və sənətkarlıq peşələri isə nisbətən stabil qalacaq."Citrini" həmçinin "Ruh ÜDM" effektini təsvir edir: bu zaman şirkətlər minimum işçi sayı ilə yüksək mənfəət göstərəcəklər, lakin nəticədə pulların real iqtisadiyyatda dövriyyəsi dayanacaq.
Validə Musayeva
19:31 26.02.2026
Oxunuş sayı: 668
