Xarici xəbərlər
Pezeşkian: ABŞ ilə danışıqlarda uğurlu perspektiv görürük
İran prezidenti Məsud Pezeşkian ABŞ ilə aparılan dolayı danışıqlara dair nikbin açıqlama verib.
Crossmedia.az bu barədə xarici mediaya istinadən xəbər verir. Pezeşkian Mazandaran əyalətinə səfəri zamanı iş adamları ilə görüşdə bildirib ki, Tehran xarici siyasət istiqamətində fəal iş aparır və qonşu ölkələrlə münasibətlər yaxşılaşıb.
O, Cenevrədə İran və ABŞ arasında keçiriləcək dolayı danışıqlara toxunaraq deyib:
"Danışıqlar sahəsində yaxşı perspektivlər görürük. Xarici işlər naziri Abbas Əraqçı Cenevrədə keçiriləcək növbəti görüşdə iştirak edəcək. Proses ali liderin rəhbərliyi altında idarə olunur və məqsəd ölkəni «nə müharibə, nə də sülh» vəziyyətindən çıxarmaqdır."
Prezident əlavə edib ki, əgər danışıqlar uğurla nəticələnərsə, mövcud maneələrin aradan qaldırılması daha asan olacaq.
13:48 26.02.2026
Oxunuş sayı: 585
