Xamenei ilə görüşən İran rəsmiləri sığınacağa gözləri bağlı gətirilir
İran İslam Respublikasının Ali Dini Rəhbəri Ayətullah Əli Xameneinin sığınacağına gedən hökumət rəsmiləri gözləri bağlı şəkildə aparılır.
Crossmedia.az bu barədə xarici mediaya istinadən xəbər verir ki, bu təhlükəsizlik tədbiri sığınacağın yerinin açıqlanmasının qarşısını almağa yönəlib. SEPAH üzvünün sözlərinə görə, İranın Milli Təhlükəsizlik Şurasının katibi Laricani də yaxın vaxtlarda eyni qaydada sığınacağa aparılan rəsmilər arasında olub. Həmin şəxslər SEPAH tərəfindən qorunur.
Xamenei sığınacaqda olduğu müddətdə, onun oğlu Məsud Xamenei Ali Rəhbərin ofisində gündəlik işlərə nəzarət edir, digər oğlu Müctəba Xamenei isə dövlət rəsmiləri ilə əlaqəni saxlayır.
13:38 26.02.2026
Oxunuş sayı: 466