Putin Ukraynaya hücumu HAMIDAN gizlətdi – Hətta yaxın ətrafı da son anda öyrənib
Rusiya prezidenti Vladimir Putin Ukraynaya qarşı müharibəyə başlamaq qərarını son ana qədər hətta yaxın ətrafına açıqlamayıb.
Crossmedia.az bu barədə "The Guardian"a istinadən xəbər verir.
Rusiya prezident administrasiyasının rəhbər müavini və Ukrayna ilə danışıqlara cavabdeh şəxs olan Dmitri Kozak da bu qərardan xəbərsiz olub.
Məlumata görə, işğaldan cəmi bir həftə əvvəl Rusiya elitasının böyük hissəsi baş verəcək hadisələrdən məlumatlı olmayıb. Putinin ətrafındakı hərbçilər və məsul şəxslər ab-havanın gərgin olduğunu hiss etsələr də, dəqiq nə baş verəcəyini bilməyiblər.
Eyni zamanda, Moskvada hesab edilirdi ki, ukraynalıların yalnız 10 faizi Rusiya qoşunlarına qarşı müqavimət göstərəcək, qalan 90 faizi isə ya müdaxilə edildikdə bunu qəbul edəcək, ya da yalnız bir qədər narazılıq nümayiş etdirəcək.
15:15 21.02.2026
Oxunuş sayı: 660
