ABŞ İrana qarşı hərbi planı genişləndirir
ABŞ-ın İrana qarşı mümkün hərbi əməliyyatları rejim nümayəndələrinin birbaşa hədəfə alınmasını da əhatə edə bilər.
Crossmedia.az bu barədə “Reuters” agentliyinə istinadən xəbər verir ki, Vaşinqtonun İrana qarşı hərbi planı hazırda inkişaf mərhələsindədir və müxtəlif ssenarilər nəzərdən keçirilir.
Mənbələrin sözlərinə görə, müzakirə olunan variantlar arasında İranın yüksək vəzifəli rəsmilərinə qarşı məqsədli zərbələrin endirilməsi də var. Həmçinin, ABŞ Prezidenti Donald Trump müvafiq göstəriş verəcəyi təqdirdə, İranda rejim dəyişikliyinə cəhd ehtimalı da planın mümkün istiqamətləri sırasında yer alır.
Rəsmilər qeyd ediblər ki, hələlik yekun qərar qəbul edilməyib və bütün variantlar masa üzərindədir. ABŞ administrasiyası məsələ ilə bağlı rəsmi açıqlama verməyib.
09:09 21.02.2026
Oxunuş sayı: 648
