Xarici xəbərlər

İran ABŞ-a təyyarə alışı və birgə investisiya təklif edib

İran Amerika Birləşmiş Ştatları ilə aparılan dolayı danışıqlar çərçivəsində iqtisadi əməkdaşlıqla bağlı təkliflər irəli sürüb.

Crossmedia.az bu barədə "CBC News" ə istinadən xəbər verir ki, cenevrədə keçirilən görüşlər zamanı İranın Amerika təyyarələri almağı və neft-qaz sektorunda birgə investisiya layihələrinin həyata keçirilməsini təklif etdiyi bildirilir.

Məlumata görə, Tehran sözügedən iqtisadi təşəbbüsləri danışıqlar prosesinin bir elementi və sanksiyaların yumşaldılması istiqamətində mümkün addım kimi qiymətləndirir.

Eyni zamanda, mənbələr bildirir ki, ABŞ Prezidentinin xüsusi nümayəndəsi Stiv Vitkoffa nüvə proqramı ilə bağlı müzakirələrin raket inkişafı və Tehranın müttəfiq qruplarının fəaliyyəti kimi digər məsələlərdən ayrılması tövsiyə olunub. Qeyd edilir ki, Vitkoff paralel diplomatik kanallar ideyasını dəstəkləyib.

🖨 Çap et

17:58 20.02.2026

Oxunuş sayı: 532