Özbəkistan və Pakistan ticarət dövriyyəsini 2 milyard dollara çatdırmaq barədə razılığa gəlib
Özbəkistan Prezidenti Şavkat Mirziyoyevin fevralın 6-da İslamabada səfəri çərçivəsində Özbəkistan və Pakistan liderləri iki ölkə arasında ticarət dövriyyəsinin 2 milyard ABŞ dollarına çatdırılması barədə razılıq əldə ediblər.
Crossmedia-az xəbər verir ki, səfər zamanı Özbəkistan və Pakistanın işgüzar dairələrinin iştirakı ilə biznes-forum keçirilib. Tədbirdə aparıcı sənaye müəssisələri və ticarət şirkətlərinin 300-dən çox rəhbəri iştirak edib. Forum çərçivəsində iqtisadi əməkdaşlığın genişləndirilməsi, qarşılıqlı investisiya imkanları və yeni ticarət layihələri müzakirə olunub.
Tərəflər bildiriblər ki, iqtisadi əlaqələrin gücləndirilməsi iki ölkə arasında strateji tərəfdaşlığın inkişafına və regional iqtisadi potensialın artmasına xidmət edəcək.
19:59 08.02.2026
Oxunuş sayı: 470
