TikTok-un qaranlıq tərəfi: Azərbaycan gəncləri mənfi kontentin təsirində
TikTok dünyada yalnız əyləncə platforması deyil, həm də maarifləndirici, yaradıcı və inkişaf etdirici kontentin yayıldığı sahə kimi tanınır. Bir çox ölkədə gənclər elm, sənət, kitab, şəxsi inkişaf və sosial maarifləndirmə mövzularında videolar hazırlayır, həm öz biliklərini artırır, həm də izləyicilərə faydalı məlumat ötürürlər.
Təəssüf ki, Azərbaycanda platforma daha çox fərqli tendensiyalarla yadda qalır. Burada yayılan kontentun böyük bir hissəsi etik və sosial dəyərlərə uyğun deyil. Xüsusilə LGBT nümayişi, eləcə də çılpaqlıq və fahişəlik kimi mövzular geniş yayılır. Bu, gənclər arasında yanlış dəyərlərin formalaşmasına və sosial normaların qarışmasına səbəb olur.
Valideynlər, müəllimlər və sosial mütəxəssislər bu tendensiyalardan narahatdır, çünki sosial media gənclərin dünyagörüşü və həyat tərzi üzərində güclü təsir göstərir. TikTok-un potensialından səmərəli istifadə olunmaması həm maarifləndirici kontentin azlığı, həm də təhlükəli sosial meyllərin artması ilə nəticələnir.
Nəticədə, Azərbaycan TikTok-u çılpaqlıq, LGPD nümayişi və etik dəyərlərə zidd kontentin geniş yayılması ilə sosial medianın “qaranlıq tərəfi” kimi diqqət çəkir. Bu isə həm ictimaiyyətin, həm də aidiyyəti qurumların diqqətini tələb edən ciddi bir məsələdir.
Mətbuat Şurasının İdarə Heyətinin üzvü Hacıbəy Heydərli Crossmedia.az-a açıqlamasında bildirib ki, hazırda Tiktok Azərbaycanda ən populyar olan sosial şəbəkədir:
"Bu platforma gənclərin və yeniyetmələrin ən çox istifadə etdiyi sosial şəbəkədir. Belə olduğu təqdirdə burada neqatif anlar, neqatif amillər hər kəsi çox narahat edir. Bu mövzu cəmiyyəti çox düşündürən mövzulardan biridir. Gənclərin və yeniyetmələrin sağlam şəkildə böyüməsi həm də cəmiyyətin inkişafına təkan verir . Tik tok-da olan bu mənfi kontent isə ictimaiyyət nümayəndələrinin, cəmiyyətin diqqət mərkəzində olmalıdır ki, cəmiyyətimizdə mənfi qəhrəmanlar təbliğ edilməsin. Amma təəssüf ki, Tik Tok-un alqoritmləri elə bir formada qurulub ki, burada daha çox neqativ, qeyri-etik-təhqir, söyüş tipli paylaşımlar ön plana çıxır və insanlar da belə hallarla çox tez-tez qarşılaşırlar".
Eksepert mənfi kontentin qarşısının alınması üçün atılmalı olan addımları deyib:
"Mənfi kontentin qarşısını almaq üçün ilk növbədə həmin sosial şəbəkədə müsbət məzmunlu paylaşımı artırmaq lazımdır. Eyni zamanda, cəmiyyətdə uğur qazanan gənclər, jurnalistlər daha fəal olmalı, öz təbliğatları, gördükləri işlər haqqında TikTok-un məzmununa uyğun şəkildə paylaşımlar etməlidirlər. Belə olduğu halda təbii ki, TikTok-da vəziyyət ürəkaçan səviyyəyə dəyişə bilər. Amma bundan başqa TikTok-da qeyri-etik paylaşım edənlərə qarşı istər dövlət qurumları, istər cəmiyyətimiz birmənalı münasibətdədir. Əgər kimsə qeyri-etik, söyüş, təhqir, ictimai məzmunlu paylaşımlar edirsə, onlara qarşı tədbirlər görülür və bundan sonra da görüləcək. Eyni zamanda Mətbuat Şurasının Sosial Media Əlaqələr Komissiyası olaraq, biz də dünən sosial şəbəkə istifadəçilərinə müraciət ünvanladıq. Həmin müraciətdə də bu nüanslar öz əksini tapdı. Təbii ki, bundan sonra bloggerlər, influncerlər, Tiktokerlər öz paylaşımlarına diqqət göstərməlidir ki, növbəti mərhələdə hüquqi addımlar onlara qarşı görülməsin. Qeyd edək ki, mənfi kontentin gənclərin və yeniyetmələrin inkişafında çox mənfi təsiri var. Onlar sosial şəbəkədə gördükləri qəhrəmanlara bənzəməyə çalışır, onlar kimi olmaq istəyirlər. Bu baxımdan biz əxlaqsızlığı təbliğ edən şəxslərə qarşı mütləq bir mövqedən çıxış etməliyik ki, gənclərimiz və yeniyetmələrimiz bu kimi mənfi hallarla qarşılaşmasınlar. Eyni zamanda burada ailənin də üzərinə böyük yük düşür. Belə ki, artıq bəzi ölkələrdə yeniyetmələrin TikToka girişinə qadağa qoyulur. Azərbaycanda da bu kimi çağırışlar var. Yəgin ki, növbəti mərhələlərdə biz bunun da hər hansı formada qəbulunu görəcəyik. Lakin daha səhv addımların atılmaması üçün valideynlər övladlarına mütləq nəzarət etməlidirlər".
Fatimə Məmmədova
11:02 05.02.2026
Oxunuş sayı: 575
