Qəzzada yardım işçiləri həlak olub - BMT açıqladı
İsrail Müdafiə Qüvvələrinin (IDF) hava hücumları nəticəsində Qəzza zolağında "Uşaqların Xilası" və "Dünya Mərkəzi Mətbəxi"nin 4 yardım işçisi həlak olub.
Crossmedia.az TASS-a istinadən xəbər verir ki, bu barədə BMT-nin humanitar məsələlər üzrə koordinatoru Muhannad Hadi bildirib.
Xan Yunisdə avtomobillərinə edilən hücumda 3 "World Central Kitchen" əməkdaşı, şəhərin cənubunda isə digər hücumda "Save the Children" təşkilatının daha bir əməkdaşı həlak olub.
2023-cü ilin oktyabrından Qəzzada 330-dan çox yardım işçisi həyatını itirib. Hadi onların ölümünün beynəlxalq hüququn pozulması olduğunu və regionda humanitar böhranı daha da ağırlaşdırdığını vurğulayıb.
Gültac Mehdizadə
05:58 02.12.2024
Oxunuş sayı: 7576
