Gürcüstanda son vəziyyət: Etirazçılar obyektləri yandırır
Gürcüstanın paytaxtı Tibilisdə parlament binası qarşısında nümayişçilərlə polis arasında toqquşmalar baş verib.
Crossmedia.az “Sputnik-georgia”ya istinadla xəbər verir ki, polis parlamentin xidməti girişlərinə keçmək istəyən etirazçıları bibər qazından istifadə edərək uzaqlaşdırmağa çalışıb.
Gürcüstan parlamentinin spikeri Şalva Papuaşvili bazar günü keçirdiyi brifinqdə bildirib ki, Tiblisidə keçirilən etiraz aksiyasının iştirakçıları qanunverici orqanın 48 otağına ziyan vurublar.
Gürcüstan Daxili İşlər Nazirliyinin bəyanatına görə, parlamentdəki aksiya bütün gecə dağıdıcı rejimdə davam edib - iştirakçılar pirotexniki vasitələrdən istifadə edərək müxtəlif obyektləri yandırıblar.
Xatırladaq ki, Gürcüstanın Baş naziri İrakli Kobaxidzenin Avropa İttifaqı ilə üzvlük danışıqlarını 2028-ci ilin sonunadək dayandırmaq qərarından sonra müxalifət tərəfdarları parlament binasının və hakim partiyanın mərkəzi ofisinin qarşısına toplanıblar.
Aybəniz Səfərova
18:35 01.12.2024
Oxunuş sayı: 29055
