Suriya ordusu Həma vilayətində silahlıların hücumunu dəf edib
Suriya Silahlı Qüvvələri Həmanın şimalında yaraqlıların böyük hücumunun qarşısını alıb, onlarla döyüşçünü məhv edib və mühüm əraziləri mühafizə edib.
Crossmedia.az TASS-a istinadən xəbər verir ki, Müdafiə Nazirliyi təsdiqləyib ki, qoşunlar müdafiə xəttini gücləndirib, irəliləyişi dayandırıb və strateji yerlərə, o cümlədən Qalaat əl-Madiq və Maardis məntəqələrinə nəzarəti bərpa edib. Əməliyyat qalan yaraqlıları geri çəkilməyə məcbur edib.
Noyabrın 27-də “Cəbhət ən-Nusra” ekstremist qruplaşması tərəfindən başladığı bildirilən hücumda mülki ərazilər, qəsəbələr və hərbi obyektlər hədəfə alınıb. Hələbdə ordu dinc sakinləri qorumaq və oxşar hücumdan sonra əks hücuma hazırlaşmaq üçün yenidən qruplaşdırılıb.
Prezident Bəşər Əsəd BƏƏ prezidenti Şeyx Mohamed bin Zayed Al Nahyan ilə danışıqlarda müttəfiqlərin dəstəyi ilə Suriyanın terrorizmə qalib gələ biləcəyinə əmin olduğunu bildirib.
Gültac Mehdizadə
15:59 01.12.2024
Oxunuş sayı: 17370
