Türkiyə XİN ABŞ Dövlət katibi ilə Cənubi Qafqazı müzakirə etdi
Türkiyənin xarici işlər naziri Hakan Fidan bu gün ABŞ Dövlət katibi Blinkenlə telefon danışığı aparıb.
Crossmedia.az Haber Global-a istinadən xəbər verir ki, danışıq zamanı Suriyadakı son hadisələr müzakirə olunub.
Nazir Türkiyənin bölgədə qeyri-sabitliyi artıracaq hər hansı təhlükəyə qarşı olduğunu və bu çərçivədə Suriyada gərginliyin azaldılmasının tərəfdarı olduğunu bildirib.
Suriyada sülh və əmin-amanlığın bərqərar olması üçün rejimlə müxalifət arasında siyasi prosesin yekunlaşdırılmasının vacibliyini bildirən nazir Türkiyə və Suriya vətəndaşlarına qarşı terror fəaliyyətinə əsla icazə verilməyəcəyini bəyan edib.
Söhbət zamanı Ukrayna və Cənubi Qafqaz, eləcə də Qəzza zolağı ilə bağlı məsələlər də müzakirə olunub.
Aybəniz Səfərova
15:26 01.12.2024
Oxunuş sayı: 8928
