Xarici xəbərlər

Lavrov: Rusiya Qərbin Ukraynanı yenidən silahlandırmasına icazə verə bilməz

Rusiyanın xarici işlər naziri Sergey Lavrov bəyan edib ki, Moskva Qərbin Ukraynanı yenidən silahlandırmasına razı ola bilməz.

Crossmedia.az bu barədə rus mediasına istinadən xəbər verir.

Onun sözlərinə görə, belə bir ssenari Ukraynanın Rusiyaya qarşı “çılğın Qərbi avropalıların aləti kimi” istifadə edilməsinə gətirib çıxara bilər.

Lavrov qeyd edib ki, Qərb ölkələrinin Kiyevə hərbi dəstəyi regionda gərginliyi daha da artırır və sülh perspektivlərini uzaqlaşdırır. Nazir vurğulayıb ki, Rusiya öz təhlükəsizliyinə təhdid yaradan addımlara biganə qala bilməz və milli maraqlarını qorumaq üçün zəruri tədbirlər görəcək.

Onun fikrincə, Ukrayna böhranının həlli yalnız balanslı və qarşılıqlı təhlükəsizlik prinsiplərinə əsaslanan siyasi-diplomatik yanaşma ilə mümkündür. Lavrov əlavə edib ki, silah tədarükünün davam etdirilməsi münaqişənin uzanmasına xidmət edir və Avropanın təhlükəsizliyinə də risk yaradır.

🖨 Çap et

14:28 20.01.2026

Oxunuş sayı: 1019