Çin sanksiyalara qarşı mübarizəni öyrənir
Çin Tayvan ətrafında vəziyyətin potensial gərginləşməsi və ABŞ və onun müttəfiqlərindən gələcək sanksiyalar fonunda Rusiyanın Qərb sanksiyalarına qarşı mübarizə üsullarını öyrənir.
Crossmedia.az xəbər verir ki, bu barədə "The Wall Street Journal” mənbələrə istinadən yazıb.
Qəzetin yazdığına görə, Pekin sanksiyaların Rusiyaya təsirini öyrənmək və ölkə rəhbərliyinə mütəmadi hesabatlar hazırlamaq üçün xüsusi “idarələrarası qrup” yaradıb. Qəzet yazır ki, bu məqsədlə Çin rəsmiləri müntəzəm olaraq Moskvaya səfər edir və Rusiya Mərkəzi Bankı, Maliyyə Nazirliyi və digər qurumların nümayəndələri ilə görüşürlər.
Öz növbəsində, Çin Xarici İşlər Nazirliyi qəzetə bildirib ki, Pekin “dünyanın bütün ölkələri, o cümlədən Rusiya ilə bərabərlik və qarşılıqlı fayda əsasında normal mübadilə və əməkdaşlığa” sadiqdir.
14:37 01.12.2024
Oxunuş sayı: 5106
