Türkiyə–Qətər hərbi əməkdaşlığı yeni mərhələdə: Memorandum imzalanıb
Türkiyə və Qətər arasında müdafiə əməkdaşlığının dərinləşdirilməsi istiqamətində növbəti addım atılıb.
Crossmedia.az xarici mediaya istinadən xəbər verir ki, bu çərçivədə iki ölkə İSTİF sinfinə (MILGEM layihəsinin müasir freqatları) məxsus iki freqatın əldə edilməsi ilə bağlı anlaşma memorandumu imzalayıb. Memorandum xarici işlər və müdafiə sənayesi sahəsindəki strateji əməkdaşlıq danışıqları çərçivəsində razılaşdırılıb və hər iki tərəfin maraqlarına uyğun gəlir.
Qeyd edək ki, İSTİF sinfi freqatlar, Türkiyənin milli gəmi proqramı MILGEM vasitəsilə hazırlanmış və yüksək səviyyəli müasir dəniz müharibə qabiliyyətinə malik sahil mühafizə və dəniz filosu gəmiləridir. Bu freqatlar anti-səth, anti-sualtı, hava hücumuna qarşı mübarizə və geniş miqyaslı dəniz əməliyyatları üçün nəzərdə tutulub və Türkiyənin öz hərbi gəmi sənayesinin yetişdirilməsi strategiyasının bir hissəsidir.
13:14 20.01.2026
Oxunuş sayı: 1090
