Qazaxıstan türk sivilizasiyasını əks etdirən yeddi cildlik tarix kitabı nəşr edir
Qazaxıstan bu ilin sonuna qədər türk sivilizasiyasına həsr olunmuş yeddi cildlik akademik tarix kitabı nəşr etməyi planlaşdırır.
Crossmedia.az bu barədə xarici mediaya istinadən xəbər verir. Ölkə prezidenti Kasım-Comert Tokayev bu barədə Milli Qurultayın 5-ci sessiyasında məlumat verib.
Prezidentin sözlərinə görə, nəşr müasir tədqiqat metodlarından istifadə edilərək hazırlanıb və milli kimliyi, tarixi davamlılıq dərkini gücləndirmək məqsədi daşıyır. Kitabda pantürk sivilizasiyası və beynəlxalq münasibətlərin öyrənilməsi məsələlərinə xüsusi diqqət yetirilir.
Həmçinin, “Böyük Altay – türklərin ata-baba yurdu” mövzusunda Rusiya və beynəlxalq alimlərin iştirakı ilə beynəlxalq konfrans keçirilməsi nəzərdə tutulub. Qeyd olunur ki, yeddicildliyin buraxılışı Qazaxıstanın müstəqilliyinin 35-ci ildönümünə təsadüf edir.
12:50 20.01.2026
Oxunuş sayı: 1167
