Ağ Evdən Suriyadakı vəziyyətlə bağlı BƏYANAT
ABŞ Suriya müharibəsində terror hücumlarına hər hansı bir aidiyyəti olduğunu təkzib edib.
Crossmedia.az xəbər verir ki, bu barədə Ağ Evin Milli Təhlükəsizlik Şurasının rəsmi nümayəndəsi Şon Savett bəyanat verib.
Bəyanatda qeyd olunur ki, ABŞ Suriya vəziyyətini yaxından izləyir və son 48 saat ərzində Vaşinqton regionun paytaxtları ilə əlaqə saxlayıb.
"Suriya prezidenti Bəşər Əsədin BMT Təhlükəsizlik Şurasının 2254 saylı qətnaməsində göstərilən siyasi prosesdə iştirak etməkdən davamlı olaraq imtina etməsi və Rusiyaya və İrana olan asılılığı indiki vəziyyətin yaranmasına səbəb olub, o cümlədən Əsəd rejiminin şimal-qərb Suriya xəttindəki uğursuzluqları...", - Savett bildirib.
Bundan əlavə, sənəddə ABŞ və müttəfiqlərinin regionda gərginliyin azaldılması və mülki vətəndaşların və azlıqların qorunması çağırışı etdiyi vurğulanır.
"Amerika Birləşmiş Ştatları bu hücuma heç bir aidiyyəti olmadığını, bu hücumun terror təşkilatı olaraq tanınan Həyat Təhrir Əş-Şam (HTŞ) tərəfindən həyata keçirildiyini" - Savett bildirib.
Ağ Evin Milli Təhlükəsizlik Şurasının nümayəndəsi ABŞ-ın öz əməkdaşlarını və Amerikanın hərbi mövqelərini qorumağa davam edəcəyini də əlavə edib.
28 noyabrda CNN amerikalı telekanalı mənbələrə istinadən bildirib ki, Suriya müxalifətinin silahlı qrupları, Aleppo vilayətinin qərb rayonlarında hökumət qüvvələrinə böyük hücuma keçib.
06:51 01.12.2024
Oxunuş sayı: 6394
