Ukrayna 4 milyard dollarlıq Rusiya HHM sistemlərini sıradan çıxardı
Ukraynanın Təhlükəsizlik Xidməti tərkibində fəaliyyət göstərən elit “Alfa” Xüsusi Əməliyyatlar Mərkəzi 2025-ci il ərzində həyata keçirilən uzaqmənzilli zərbələrin nəticələrini açıqlayıb.
Crossmedia.az bu barədə xarici mənbəyə istinad edir.
Əməliyyatlar zamanı Rusiyaya məxsus təxminən 4 milyard dollar dəyərində hava hücumundan müdafiə sistemləri məhv edilib və ya döyüş qabiliyyətini itirib.
Sıradan çıxarılan hədəflər arasında aşağıdakılar yer alıb:
1. S-300, S-350 və S-400 zenit-raket kompleksləri
2. Buk, Pantsir və Tor hava hücumundan müdafiə sistemləri
3. Uzunmənzilli radar qurğuları
4. Erkən xəbərdarlıq və müşahidə sensorları
Bildirilir ki, bu zərbələr Rusiya ordusunun hava məkanına nəzarət imkanlarını ciddi şəkildə zəiflədib və Ukrayna Silahlı Qüvvələrinin əməliyyat azadlığını əhəmiyyətli dərəcədə artırıb. Uzaqmənzilli hücumlar müasir kəşfiyyat məlumatları və yüksək dəqiqlikli vasitələr hesabına həyata keçirilib.
09:36 20.01.2026
Oxunuş sayı: 1645
