UNRWA: Minlərlə qəzzalı döyüşlər səbəbindən evlərini tərk edib
Şimali Qəzza son həftələrdə davam edən hərbi əməliyyatlar nəticəsində evlərini tərk etmək məcburiyyətində qalan 130 mindən çox qaçqının məskəninə çevrilib.
Crossmedia.az bu barədə BMT-nin Fələstinli Qaçqınlar üzrə Agentliyinin (UNRWA) rəhbəri Filip Lazzarinin sözlərinə əsasən xəbər verir.
Onun sözlərinə görə, Qəzzada 1 milyona yaxın insanın qışın soyuğundan qorunmaq üçün lazımi sığınacağı yoxdur. Bölgənin mənzil ehtiyacının dörddə birindən az hissəsi ödənilib və insanlar kəskin hava şəraitində risk altında qalıblar.
Daha 545 min insan zədələnmiş binalarda və ya müvəqqəti sığınacaqlarda yaşayır. Agentlik yaşayış şəraitinin yaxşılaşdırılması üçün tikinti materiallarının, o cümlədən brezentlərin tədarükünə çağırır.
Gültac Mehdizadə
07:26 30.11.2024
Oxunuş sayı: 18179
