Honkonqda Tai Po mənzil kompleksində ölümcül yanğın: Ölənlərin sayı artdı
Honkonqda Tai Po mənzil kompleksində baş verən yanğın nəticəsində ölənlərin sayı artaraq 44-ə çatıb, 279 nəfər itkin düşüb, 29 nəfər yaralanıb və yeddi nəfər ağır vəziyyətdədir.
Crossmedia.az bu barədə xarici KİV-ə istinadən məlumat yayır.
Məlumata görə, hadisə ilə bağlı polis iki tikinti şirkətinin direktorunu və bir məsləhətçi mühəndisi həbs edib. Onlar adam öldürməkdə şübhəli bilinir. Araşdırmalar zamanı yanğının yayılmasını sürətləndirə biləcək polistirol köpük panelləri və digər qüsurlar aşkar edilib.
Çin Prezidenti Si Cinpin ölənlərə və onların ailələrinə başsağlığı verib. “South China Morning Post”un məlumatına görə, bu yanğın Honkonq tarixində ən ölümcül yanğın kimi qeydə alınıb.
Nəzrin Abbas
10:42 27.11.2025
Oxunuş sayı: 1429
